12 Tahun Tsunami Aceh

Kata meututô lidah meugrak-grak..

Meupat keu haba hana deuh rupa..
Ulon meupakee leukat roh teumeunak..
Kepada Allah ta lakee ampon dosa..

Lam thon 2016 nyoe, umu maken tuha, hana pat ta mita donya yang jeut bri hate puah, maken ta mita maken na, tapi ridha bak Allah hana tom ta rasa.
Nyan keuh donya yang ka tôe ngen uroe akhee. 12 thon Tsunami ka geubri, peu keuh na yang jra?
Termasok ulon tuan yang mantoeng lee that desya.

Musibah Allah troh hana jeut ta teurka, siap keuh geutanyo menuju alam baka?

Di akhe donya nyo, buet salah ka biasa, yang beutoi pih ji anggap gura. Islam cuma deuh bak abah, tapi hatee dan buet geutanyoe saban lagee awak kaphee.

Yang leubeh that ta sayang ureung-ureung yang hana meuphom geu kheun keu awak Aceh nyoe sebagoe ureung pubuet dosa sampoe musibah hana leupah dari Allah Ta'ala. Leubeh gôt lagee nyan, ta iem mantong sira lakee ampon bak Allah, karena deungon musibah nyoe Allah maken geusayang tanyoe geubri keu tanyoe kesempatan nak ta ubah mandum buet dan tingkah laku yang jiôh dari syariat.

Bek ta balah gob yang sabee tudoh-tudoh geutanyoe, tapi leubeh get ta eu droe teuh peu ka beutoi di mata Allah peu gohlom, karena Allah lah yang nilai geutanyo jroh pu han, kon awaknyan yang galak kheun-kheun keu gob.

Dalam kesempatan nyoe, ulon lakee meu'ah keu ban bandum syeedara dan kerabat yg pernah saket hate ataupun beungeh kerana buet lon yang hana jroh, atau kata-kata lon yang salah bak geulunyung droneuh. Neu cok mantong peu-peu yang get dari lon, karena yg get nyan dari Allah, dan yg hana get dari lon pribadi.

Salam Aceh lon sayang, neu peu jioh bala dari bumoe lon yg tercinta nyoe ya Allah...

• Facebook
• Twitter
• Google+
• Pinterest

You Might Also Like

Sastra

« PREV

NEXT »